凌晨5時的MOUSSE CAKE

01/07/2008..芒果豆腐mousse cake...第一次造mousse cake..入得口..不過仲有好大既進步空間..
由琴晚12點幾開始預備..到整好..執返好晒D野..已經係五點幾..
太慢喇...下次要快D先得(初哥需時比較多)

希望你喜歡吧^^

你睇我唔到...你睇我唔到...

為答謝...^o^

再戰'日式棉花蛋糕'

口感好好..一出爐媽咪就話好好味..仲話我一次比一次進步添呀..hee^^好軟綿綿...好開心
海綿蛋糕 = 清蛋糕..同今次既日式棉花蛋糕唔同..今次既棉花蛋糕係比清蛋糕更軟..組織更細密..

日式棉花蛋糕

60 g 牛油
80 g 低筋麵粉(普通麵粉都可以)
80 ml 淡奶
95 g 糖
1 隻全蛋
5 個蛋黃
5 個蛋白
1/4 茶匙 泡打粉

做法 :

1)預熱焗爐至160度(我多數用10分鐘)

2)牛油置煲中以慢火煮滾後熄火, 加入低筋麵粉拌勻, 再下淡奶及1隻全蛋和5隻蛋黃慢慢攪拌至完全混合滑身, 無粒狀備用

3)5隻蛋白打發至起泡, 砂糖分三次加入, 直至呈現角狀即可

4)蛋黃漿分兩次拌入蛋白中而fold-in形式輕輕混合至均勻, 然後倒入已舖上牛油紙的焗盆中, 雙手提起焗盆在桌上輕敲一下使空氣排出

5)置於焗爐中層以170度焗25分鐘, 出爐後並馬上移出倒扣放在鐵架上待涼

*何太教左個小秘訣 : 整蛋糕時加入1/4茶匙泡打粉, 焗起既蛋糕通常都更鬆軟
(通常大約100g低粉用1/2茶匙泡打粉)

食譜參考自何家私房菜, 蔡師奶廚房

唔慌唔身痕...

d敏感藥已經食晒..藥膏都差唔多搽晒喇...其實我仲係痕架..忍到唔'r'就無事..一'r'就又起..
點算好..唔通要再睇多次醫生?
過左既呢個禮拜..因為d敏感藥既關係...我晚晚十一點幾就頂唔順要訓覺喇..真係超眼訓..同埋好暈
都不知幾耐無試過咁早就上床訓...攪到我幾咁掛住型仔sam(吳鎮字..keke)
連肥貓仔都迫住要咁早返上床..呵呵..
平時慣左夜訓既我..上星期有幾晚醒左去toilet時..發覺個廳已經無晒人..
以為好夜...其實只係點幾咋..但我感覺自己已經好似訓左好耐咁..
如果再睇多次醫生..可能又要再陷入早睡乖孩子既狀態..但唔睇..又驚繼續'身痕'狀態喎..煩

上星期想整野都完全攪唔到...因為真係眼訓到控制唔到呢..(好誇^^)
琴晚無藥食..諗住整下新野...唉...又一次沮喪...
'五星級的甜品'...我選擇唔買呢本書.只係去圖書館借..應該係明智..
人地d甜品.如果用我呢個家用二百幾蚊爐都做得到一樣既話...
人地酒店使鬼用咁多錢買個靚爐咩?(失敗後既自我安慰)
都唔好講整個個人既級數差幾咁遠添喇...
1mm既菠蘿...烘到變做菠蘿脆片...結果係..痴實晒落個盆到..洗到我死..激死人
都怪自己太天真..諗住可能做得到..但我仲係會繼續試下整書入面既其他野架...(死唔忿氣)
希望終有一樣野會成功可以過到自己個關影張相出黎啦..祝福我..

漏左呀..漏左呀...13/06/2008..之前用剩既酥皮焗左...史迪仔餅..哈哈..黑面史迪仔..
同場加映..肥貓仔好似'厘'係咕'順'後面..你睇我唔到..你睇我唔到..^^

CONNIE'S BABY^^恭喜

琴日..CONNIE既BB女出左世喇...恭喜恭喜
今日我同MANDY & RED去左探媽咪同BB女..
感覺好開心..同埋好溫馨..
睇見亞DICK同CONNIE見到個女時...佢地即刻好爸爸媽媽既感覺呀^^SO SWEET
妹妹有好多頭髮...D頭髮仲好烏黑添^^
眼形好長..睇黎又係一個大眼妹(唔知點解近年見親既BB..都係眼大大..好少眼細BB)
相士成日講'咀唇有粒珠...鬧交唔會輸'.
咁咪似足媽咪囉..亞DICK屋企以後一定好熱鬧喇..哈 ..

惡劣態度...

今朝去左睇醫生..諗住要拎藥膏.所以睇街症..(私家醫生百幾二百蚊..但一定得好少藥膏..好貴>"<)
個女醫生惡到死...又無禮貌..真係攪錯..

我17號no...我係出面見到17..我行入去...可能佢無耐性..覺得我耐卦..
以為17號睇唔到..佢就即刻on多次..咁就變左18..我入去時..有個女人連隨又入左去...
個醫生開頭都無理個個人..個個人出聲話..係咪到我呀..丫..
好野喎..個醫生竟然話..'你唔見我睇緊人架咩... 我都未話你咁早入黎做咩..'
個個人咪話..'出面出左18號我先入黎架喎....'
之後個醫生仲話...'咁你見到我有人睇緊..你都應該出返去..唔好係到啦...'
丫..明明係個醫生自己唔岩都仲話人..攪錯...

之後我諗住問醫生拎返張證明比公司...我今朝係去左睇醫生啦..(我睇完即刻返工喇..十一點到返到)
頂佢丫...個醫生一聽到即刻話'你又唔係做戶外工作..你可以返工喎?'
我咪話囉..'我唔係要假紙呀..我呢個時間應該係返左工架..而家黎左睇你..我要證明比我公司睇呀..'
醫生聽完就死死地氣話..'咁我比張應診證明你啦..'..
激鬼氣...都未聽清楚人地講就駁..駁唔切咁>~<

真係唔明..點解d態度可以咁差??大佬..你受薪架...我明白可能你做得好辛苦..可能你好受氣..
但..其實係呢個世界上..要受氣既..實在唔止你一個..你身為醫生..可唔可以比返d基本禮貌出黎呢?
唔係只係話我今日咁樣..平時我都見好多醫生對d婆婆公公好惡..
係..可能佢地真係好煩..好長氣...但佢地唔明..咁緊係會問多d架啦?
佢地年紀大..聽同睇得都唔清楚..係好正常架..可唔可以比多少少耐性呢?唔好忘記..你都會老架.
如果覺得自己係醫生係高高在上左既..或者你交比護士同佢地溝通囉..但唔該都叫d護士唔好咁惡..
我真係明..做醫生護士可能真係成日都要受埋d無理既氣..又可能真係好辛苦...
不過..既然你地揀做呢份工..我覺得真係應該要'敬業樂業'囉..你地係真係應該有多d愛心架..
一個病人要黎睇病...其實佢地既心情..本身已經唔係幾開心架喇..
我唔係要你安慰佢..要做埋社工..但真係起碼唔好令到個病人有種比人嫌棄既感覺丫...
你對佢地d態度好少少...可能佢地心情已經會好d...心情好對病情都會好d啦..係咪?
我唔知究竟有幾多個人真係以'醫者父母心'咁既心態而入行??
但..其實做醫務人員..真係應該有呢雒態度先岩架...唔好只係為左搵到錢而入行啦.好嗎?
專業人仕..要有專業既態度..而唔係特別囂'屎'..特別惡..就叫專業架..唔該諗諗啦..

眼科醫院個邊..無論醫生定護士都比呢邊好好多...

痕到發左癲>~<

好慘..又試皮膚敏感喇..嗚嗚>~<
兩隻手攪到好似豬手咁...好可憐...
點解成日都皮膚敏感架..好痕好痕..今次係最痕既一次..
真係痕到想乜都唔理'r'左先.好彩因為貪靚..最後都忍到無'r'..'r'左一定會仲大鑊架...
不過呢一刻.忍到.唔知仲可以忍幾耐呢?

一向最自豪..成個人最白滑既手臂內側...嗚..
而家都紅到唔知似乜喇..嗚嗚..會唔會好唔返架??(大吉利是..touch wood>"<)

日式棉花蛋糕

琴日整左'日式棉花蛋糕'...整整下發現..罐花奶一舊舊(明明未到期..而且仲係新架.>~<)
我唔敢用..係到諗點算時...見屋企仲有上次用剩既淡忌廉..都係奶類食物姐..死就死啦..^^
結果又ok喎..hee^^出爐之後..覺得唔夠我想像中咁好..即刻無晒心機...
相都只係求其咁影左張..但又覺得唔靚..更無心機..嗚..
連平時會幫肥貓仔同製成品影相都無心機喇.. 

每次整蛋糕..甜品..其實都好似冒險咁..根本唔知出到黎既結果會係點..隨時total loss的..
做得唔滿意會唔開心...整完出黎無人得閒理我..又會無心機..真係麻鬼煩...
但每次灰心之後..過一陣又會再走去整過...有時真係覺得好似自己拎黎賤咁..>"<
不過整得好..的確又好有滿足感既..整得好..心情就好..跟住就有心機影相..你話幾煩呢..激氣>~<

今朝比老豆試..老豆話岩岩食完早餐...(eee..即刻又洩氣..>"<)
轉頭出黎見老豆食左..心情即刻又好返少少..但佢無講野喎...
到我吹頭時..老豆入黎話..今次又幾好味喎..不如請我食多舊丫...hee^^心情即刻好返晒...
你話幾煩丫..整一次野食..心情就係咁大上大落..真係煩...少d心血都唔掂呀...

媽咪琴晚開頭又係到話我唔聽佢講分開兩盆焗..攪到好似焗唔透咁..
其實唔係焗唔透呀..而係今次我整既係棉花蛋糕..唔係清蛋糕..棉花蛋糕感覺係比清蛋糕濕潤d..滑d架.
到真係切出黎比媽咪試時..好彩佢都話..ee..又係真係比清蛋糕滑d喎..
其實棉花蛋糕既質感係有d似'義美'蜂蜜蛋糕'同埋'日式個d芝士蛋糕'架..不過就重牛油味d...
我諗緊可以點解改良到無咁多牛油..但都一樣可以咁滑...如果可以就好喇...(我唔係咁鍾意牛油架咋)

基本工做得穩定之後(清蛋糕之類)..我就會開始挑戰d真係整出黎成個好靚個d cake架喇...
又一樣新既挑戰..希望會好好地啦..整甜品其實就好似係到不斷提升自己EQ..
又要發揮創意同任何既可能性..實在都係一種好好既鎩練..
(之前都試過整整下辛苦得滯..發脾氣想唔整架..但又唔得喎.抖陣又死死地氣整埋去)

真係有d唔好意思..^o^

咁多人都咁錫我肥貓仔..hee真係攪到我有d唔好意思呀keke
多謝你地..錫晒你地
為左答謝你地對我既厚愛..KEKE..我決定會..好好咁..食晒去...哈哈哈

一加一等如...

一加一等如二...只是理性時候的答案..
這些..你到底...明白嗎?