話咁快仔仔就快14個月大喇，即代表我已起碼兩年無做過facial, treatment喇（由陀仔開始我就無再美容中心，到仔仔出世，全職媽媽真係又忙又困身）
已屆中女+懷孕時荷爾蒙改變令皮膚變差+沒到美容中心保養+全職媽媽忙於照顧仔仔沒時間照顧自己 = 滿臉細紋、鬆弛、臉乾、眼袋（嗚）
對我黎講「快有效果」係好重要，曾經有諗過不如去美容中心join療程，打啲透明質酸入去，咁就既快又方便啦，但諗深一層我又唔敢，話晒打針落塊臉，想像都覺得驚，而且呢啲始終唔係做一次就靚一世，靚左一次自然就想繼續keep落去，到時就真係「噹噹噹噹、噹晒啲錢錢喇」，而家我寧願將呢啲錢留返使落仔仔身上好過了，自己嘛，都係靠自然一啲既方法保養好喇。
L’Oréal Paris最近出左L’Oréal Paris 活力緊緻透明質酸充盈導入系列，一於試試啦。
L’Oréal Paris 活力緊緻 透明質酸充盈導入精華 $249/ 15ml
滴管式設計，新奇又得意，感覺好似打針咁，將精華注入肌底一樣，特別鍾情這系列的香味，令人感覺舒服又放鬆。
產品指引話塗於臉上有需要既地方，那..即是我全臉啦=_=臉頰、虎紋位、額頭每處都需要，凝膠狀精華滲透力超強，塗開即時撫平細紋、毛孔一樣，皮膚觸感滑溜溜，好似泵左養份入肌底咁，飽滿度迅間提升，唯一係驚自己粗手粗腳唔小心整斷滴管式設計咀。
L’Oréal Paris 活力緊緻 透明質酸充盈導入霜$245/ 50ml
最近天氣凍到要開暖爐，皮膚想唔乾都難，難得這隻臉霜都足夠應付我的中女皮膚，太喜歡它的氣味同那滋潤質感
塗後令人有幸福感覺，皮膚漲卜卜，充滿彈性。
L’Oréal Paris 活力緊緻 透明質酸充盈導入眼霜 $215/ 15ml
自從全職湊仔後，真係比以前訓少好多，想無眼袋都難，加上年紀大了，眼紋真係出賣年齡呢。
我會將這支導入眼霜平均於眼底唧三下，然後利用唧咀輕輕按壓於淚溝位置，用左幾日，香味和質感都唔錯，希望繼續用可以減淡眼紋，令我看上去年輕一啲啦。
今次L’Oréal Paris 活力緊緻透明質酸充盈導入系列，無論質感、氣味都很討好我，而且價格親民，我已經叫左朋友買黎試^o^（一向認為開架產品唔能夠應付中女皮膚，我承認今次我錯了）
