簡單易做..可愛迷你冬瓜盅^^

新手煮婦最好就係夠好奇..即使花時間花心思較多..都會想試下整..
為的就係證明'我都做得到^^'..當然得到欣賞就更開心啦..

有人問我點解又要返工..寫字樓又唔近屋企..但都會放工後煮飯..
(我都唔係晚晚煮架..平均一星期兩三晚咋..唔煮飯我會整下甜品糖水..煮野好好玩又可以減壓嘛^^)
um..做左人老婆喇嘛..我覺得應該要有返個家既感覺比老公囉..
同埋結左婚即係話比人知我已經大個女..我應該要識照顧自己同家人..
我而家努力煮一來係為左老公..二來係我好想自己可以早日煮叻d..然後可以煮比老豆媽咪佢地食..雖然唔值d咩錢..不過我相信佢地會覺得開心同安慰^^
因為證明阿妹已長大嘛~

  

話左補返情人節餐比老公..煎牛扒個 d 平時都有做開..唔夠特別..(我最鍾意攪攪震..整 d 估我唔到既野^^)
係街市見到細細個既冬瓜仔..hee^^
迷你冬瓜盅..好可愛呀^o^
整呢個冬瓜盅花費無幾..主要都係功夫同心思啦..切粒粒..𠝹冬瓜邊..切切切..
整件事都不過三十蚊材料..重點係唔難做..但出場時一定會令在場人士驚喜同報以掌聲..^^
哈..平平地但絕不失禮呀..老公當然好滿意今次既迷你冬瓜盅啦..連朋友們見到我地既相都好多讚^^hee~​

 

材料 :
迷你冬瓜  一個
蝦  適量(部份切粒..另留幾隻不切..用作最後裝飾)
蜆肉  適量
冬菇  適量
火腿  適量
乾瑤柱  一至兩粒
金華火腿  一小片
夜香花  適量
濃湯寶  一粒(用史雲生雞湯都ok) 

 

做法 :
1. 冬瓜去頂(約切三分一)..刮去瓜內的囊去籽..同時刮出部分中間瓜肉備用..

用張大一點既保鮮紙從底包著冬瓜盅..然後用橡筋箍住..沿冬瓜邊切 v 字..

 

用碗盛著放鑊隔水蒸二十至三十分鐘..

2. 熱滾水浸軟乾瑤柱和冬菇..另將所有配料全切粒..金華火腿則切絲..待乾瑤柱和冬菇軟後..略抺乾它們然後撕絲及切粒..(浸乾瑤柱和冬菇既水留返)

3. 煲滾三碗水 + 頭先浸乾瑤柱和冬菇既水..將所有已切粒切絲的材料和沒有切的蝦放煲齊煲二十至三十分鐘..最後落濃湯寶調味..加少部份夜香花..熄火蓋煲蓋焗十分鐘(基本一粒濃湯寶已很夠味..如覺不夠可再加鹽去調至合自己口味) 

 

4. 冬瓜盅仔蒸軟熟後..請小心拆去橡筋..保鮮紙..然後搬去另一個和冬瓜盅仔好 fit 的細碗內..然後將已煲好的湯倒進冬瓜盅仔中..再自行裝飾..最後灑上剩餘的夜香花於盅面就可以上檯喇..

**雖然一般冬瓜都係夏天既湯水..但其實我覺得而家天氣飲都 ok 丫..只要買到冬瓜咪 ok 囉(我覺得^o^)
因屋企個鑊唔大..所以一次只可蒸一個迷你冬瓜..但以上份量其實夠兩至三個人飲架..
如果嫌冬瓜太少..可另外買件幾蚊既冬瓜起肉切粒齊煲..
其實湯料係好自由的..如你鍾意加粟米..瘦肉等都得架..只要你接受到就可以^o^原本我都想加燒鴨絲..會令湯更香濃好味..不過又唔想特登去買四分一燒鴨..但用少少..所以算啦..而家用濃湯寶都好好味^^
(結婚後我覺得燒臘原來好貴..所以我都極少買黎食喇..)

歡迎大家來找我 : facebook fanspage : angel in jacobland

 

 

改善及穩定膚質..得左^^Estee Lauder 微精華原生液

早前 Estee Lauder 為品牌新品 "Micro Essence Skin Activating Treatment Lotion 微精華原生液" 鋪天蓋地的宣傳..簡直無人不曉..我拿產品回家當日..媽咪老豆老公細佬全都說最近真係處處都看到它^^ 

亞洲 No. 1 護膚權威 Estee Lauder 憑藉先進科研技術首創全新 Micro Essence Skin Activating Treatment Lotion 微精華原生液，發揮微修護能量，極致秒速強化肌底，令肌膚從內透現如原生肌膚的澄澈光采。Estee Lauder 科學家受大自然中素有「終極存活者」“Ultimate Survivors” 稱譽的超級微生物（extremophiles）啟發，結 合現代科研智慧和活性發酵的活膚力量，獨家研創出獨家 Bio-Ferment 原生賦活科技，注入全新 Micro Essence Skin Activating Treatment Lotion 微精華原生液中，以微定位 (Micro-Targeted )、微滋養 (Micro-Nourishing )、微激活 (Micro-Active ) 為本，穿越皮膚表層，發揮極緻修護力量，幫助強化膚質，抗禦肌膚老化跡象。肌膚由內至外蛻變至淨、透、彈、滑，倍感柔嫩滑溜，晶徹淨透、幼細彈滑、原生如初。

Estee Lauder 破天荒將「傳統」精華素特性注入水狀液體，專門對付多重老化跡象，全新 Micro Essence Skin Activating Treatment Lotion微精華原生液是活膚水的同時，超越活膚水的功能，替肌膚奠下更強健更有抵禦力的根基，從內轉化肌膚外觀，倍增修護精華的能量，發揮長期護膚功能。
 

於發佈會中..大會給我們兩個有關滲透力的示範 :桌上有三款不同品牌的「水狀」精華..其中一款是 Estee Lauder 微精華原生液..

  
平放手..把三款的「水狀」精華滴於手背上..

把手打側..看得見 A 款「水狀」精華是流得較其他兩款慢..原來流動得較慢的就是微精華原生液^o^
流得慢自然能停留於皮膚上較久..輕按不消兩三秒已瞬間吸收..極速滲透肌膚..相對地我們就可使用較少份量而得到高度滲透效果..(慳妹喜訊^^)

另外我們亦試 將 Estee Lauder 皇牌產品 Advanced Night Repair Synchronized Recovery Complex II 升級再生基因修護露滴於 (1) 全新 Micro Essence Skin Activating Treatment Lotion 微精華原生液上..另一就 (2) 直接滴於什麼都沒塗的範圍上..不消幾秒已看得見分別..明顯看見以微精華原生液打底的那邊..滲透效果是較直接塗上理想..證明使用微精華原生液是有助其後護膚品的吸收..令我們能得到所有產品的最佳發揮效果^o^

發怖會後..當然要回家試試這微精華青春力量啦..

 Estee Lauder Micro Essence Skin Activating Treatment Lotion 微精華原生液   hkd 780/150ml

液體狀的微精華原生液..我會於潔面爽膚後塗上..

 

官方教導是由下巴開始，輕壓肌膚，向上抺向頰部和前額。
我較喜歡用手直接塗..因手心帶有體溫..只要用手輕輕按壓於面..就能有助原生液滲透皮膚..隨後再使用精華..面霜..日間記得最後塗防曬呀..

 

使用原生液個多月..期間時暖時超寒冷..我皮膚一向跟天氣走的..不穩定天氣我的皮膚過去一定會跟著不穩..難得使用原生液後..膚質似乎穩定了..真的沒有出現敏感情況..
雖然月事來臨前的必生瘡情景仍有出現..但我發現使用個多月後毛孔細緻了..膚質亦變得剔透光澤了..
於十數天的新春假期內..我差不多有一半時間都去了戶外呼吸新鮮空氣..哈..當然每天都與陽光玩遊戲啦..難得皮膚沒有變差..
而且我亦有感使用原生液後..隨後使用的護膚品是吸收得更好的..膚質比新春假期前好多了..
果然打好個底..之後用什麼產品都會發揮得更好..

  Estee Lauder 這原生液我一定會再回購..因使用了幾天已明顯感到自己膚質開始逐步改善..最重要是能穩定膚質..
現在香港空氣質素真的很差..加上我公司環境真的很差..日日吸塵>~<..所以能改善與穩定膚質對我來說太緊要了..強化了肌底..始終有助我抵抗這頑劣的空氣與環境.. 

另外..我每次敷 mask 前..無論是 paper mask 還是 cream mask..我都會於洗面爽膚後塗上 Estee Lauder

微精華原生液..然後再敷 mask..

​

 

原生液是我近期的新寵..所以進行任何護膚程序時..我都希望加入原生液^^心理上認為一定可令效果更好..哈..當很愛時我就是喜歡不離身啊~

**活動與產品資料均由品牌提供
如對以上產品感興趣..可到以下網址作進歩瞭解 :
https://www.facebook.com/esteelauderhk
www.esteelauder.com.hk

終於戰勝你..薑汁撞奶^o^(成功與失敗方案)

煮野食真係好好玩..仲可以體驗人生道理..訓練自己^^
以前開始整蛋糕已經明白..我唔係廚神..唔係神童..唔好以為人地成功有個食譜..你跟就一定整得到..
整蛋糕失敗既機會真係超級高..就算焗到出黎都可以係又實又難食..萬一焗極都唔熟就更加要全份材料掉晒去..
衰左真係會好唔開心..好彩每次都會有屋企人安慰..同我打氣..唔開心一陣又會重新振作..再挑戰^o^打不死~

  

今次整薑汁撞奶又一次係邊到跌低就要係邊到企返起身..衰左兩次..不斷上網睇資料..係 group 問大家既方法..好開心大家都好無私咁指導鼓勵我..然後大家一齊研究..見到大家都一齊試整..感覺好得意..當然有人成功有人失敗..

坊間有好多唔同既做法..唔同牌子既奶配唔同既薑汁都好影響效果..無話邊個方法先最岩..只有不停試..試到自己成功做到既..就係最岩自己既方法..
講真..今次整到我都唔肯定下次係咪一定得..衰過兩次明白成功係要配合好多關鍵..^^

 

第三次終於成功的薑汁撞奶^o^

薑汁  1.5 湯匙
砂糖  適量(按個人喜好)
維記高鈣低脂奶  236ml(屋仔奶size)

 

1. 磨薑汁(磨多左我放雪櫃..我估幾日內用晒都無問題既..總之記得用時一定要攪勻..因薑汁靜止後會有白色沉澱物)
我係用最傳統方法..將薑去皮切碎至蓉..

 

然後用手或者入茶包袋再用手榨d薑汁出黎..
我試過用磨蓉器但..好似唔夠傳統方法得到多薑汁..

 

  

 2. 用滾水「朗」一「朗」將會放薑汁個隻碗..等隻碗暖暖地..

 

將 1.5 湯匙薑汁倒入碗..

3. 預備一個煲和另一器皿..將蛋白質較高既維記高鈣低脂奶倒進煲..加糖煲至冒白煙熄火..左右合共拉 10 次..
(煲倒進器皿為'第 1 次'..器皿倒進煲為'第 2 次'如此類推..第 10 次奶應該係煲的..)
第 11 次就倒落碗..倒前記得要攪一攪勻碗入面既薑汁..因薑汁本身會有白色既沉澱物..所以一定要攪勻先好撞入去..(對唔住呀..左右手都拎住野..仲要把握好時間..無手影相喇>~<)

'拉拉拉拉拉..能否進一步..'

hee^^邊拉邊唱住黎明既'但願不只是朋友'XD

仲記唔記得點唱呀? 

用碟蓋住 3 分鐘..

 

得..得..得左喇^^yeah~

下次試下可唔可以拉少幾次先..因細過時媽咪成日話熱野攪得太多會入風..會易肚痛呀..
當然如果拉少d係會令件事失敗既..咁唯有照拉啦..^^
 

有經驗既煮婦們話薑汁入面既白色沉澱物同奶能起化學作用..所以一定要攪勻先會凝固架..

 

 

事後檢討 :
我之前衰左兩次..
第一次用雀巢高鈣低脂奶..一開始過篩倒 1 湯匙薑汁落碗就無再理佢去煲奶加糖..至 80 度就撞入碗..蓋隻碟上碗面等幾分鐘..
用匙羹放上碗..嗚..下沉..衰左..結果係好好味既飲薑汁奶..

 

 

第二次用雀巢高鈣低脂奶..一開始過篩倒 1 湯匙薑汁落碗就無再理佢去煲奶加糖..至 75 度..然後左右拉左 8 次撞入碗..蓋碟上碗面等幾分鐘..
用匙羹放上碗..我好天真地用隻好輕既羹放上去^^無沉..開頭以為成功..點知原來只係個面呃人..入面佢只係 1 杯'杰'左既薑汁奶(雖然都好好味^^)

第三次問左好多人意見..再上網睇好多資料..終於成功喇^o^
用蛋白質較高既維記高鈣低脂奶..滾水'朗'碗..過篩倒 1.5 湯匙薑汁落碗..煲奶加糖至冒白煙即熄火..左右拉左 10 次..第 11 次撞入碗..蓋碟上碗面等幾分鐘..
今次好大膽..一於揀真係有重量既羹放上面..衰得多已經有晒心理準備..衰就衰啦..hee^^結果無沉..得左得左喇..好開心..真係有一刻既感動..呵呵^o^

 

**人地唔講真係唔知..我去超市將大部份品牌既鮮奶比較(全脂/高鈣低脂/脫脂)..
原來能提供較高蛋白質既係維記高鈣低脂奶喎..教甜品既師傅話呢隻成功既機會係高d架..

唔好意思..又好長氣喇..因為我好想將自己成功同失敗既經驗都打晒出黎..等大家可以從我錯誤中學習..
煮野真係好好玩..掌握到方法整到好有成功感架..材料好簡單..所需時間又唔多..冬天食d甜品潤下對身體好呀..快d試下啦^o^

歡迎大家來找我 : facebook fanspage : angel in jacobland

 

快速為眼睛差電^^LISSE Medical Spa

早前 angel 來到中環 LISSE Medical Spa 進行 LiftYoung 年輕輪廓提升系統的第一步 '活肌胜肽導入療程'..
今次再來進行第二步的緊緻療程..'射頻輪廓緊緻療程(眼部)'..中女一聽到'緊緻'就兩眼發光^o^

LISSE Medical Spa 環境幽雅寧靜..令人感覺放鬆~
與治療師瞭解療程簽過同意書後就可進入療程房..

療程房麻雀雖小五臟俱全..
和上次感覺一樣..這裡的頭枕太舒適了..

LiftYoung 年輕輪廓提升系統包括多個有關面和眼部的療程..
今次我進行的是'射頻輪廓緊緻療程(眼部)'..它是非入侵性..無創傷的療程..無需復原期..療程後即可化妝..完全不影響正常生活..
療程能有效緊緻肌膚，提升面型輪廓收緊，鞏固及增生骨膠原，增加肌膚承托力同時改善膚質..

徹底卸妝潔面後就可進行療程..療程採用elōs技術，將紅外綫及射頻結合同時輸出，提升療程效果..同時同步冷凍系統..能保護皮膚及舒緩療程時的微熱感覺..

治療師首先在我面部位置試試..讓我適應一下療程感覺..

然後就正式於眼底開始..先塗上冷凍保濕啫喱..然後用儀器逐下逐下打進肌底..
我覺得很溫和..感覺有點像塗了暖 gel 在眼位導入一樣..已打位置有點紅是正常的..
主要針對眼肚眼袋位置(出賣年齡位>~<)..然後再上眼眉位..感覺好得意..我未試過做療程會關顧到眼眉位呢..

療程完成後..敷上眼部面膜以作保濕和降溫之用..
頭枕真的太舒服了..很快就睡著..然後不捨得起來呢..哈.(真覺得是枕過最好枕的美容中心頭枕^^)

最後治療師為我塗上精華、眼霜、面霜及修護防曬霜就可以走了..
臨走前.. 治療師向我詳細地講解療程後要注意保濕..記得防曬..
第二天還打電話向我瞭解皮膚狀況..太細心了~

回家洗澡後即拍照..之前的紅已全散..眼部皮膚感覺緊緻..眼圈淡了點..
第二天醒來竟然沒有了每天的浮腫情況..這簡直是 bouns..
只要 20 分鐘左右就可令我看上去精神了..真是快靚正^o^
(眼部皮膚好..看上去都年青點呢^^)

LISSE Medical Spa
地址 : 中環德己立街1-13號世紀廣場16樓1601-02 室
電話 : 2116 9888

是否很吸引呢??心動不如行動..
現在 LISSE Medical Spa 給予試做優惠體驗價..只需 hkd 398 就可一嘗原價值 hkd 3200 的 LiftYoung 射頻輪廓緊緻療程..物失良機喇..^^(可選面部或眼部)

有興趣可登入以下網址：
http://www.lisse.com.hk/edm/blogger/angel398/register.html

**療程由美容中心提供..
每人膚質不同..效果與感受有異實屬正常..
如欲瞭解更多..可到以下網址瀏覽 :
http://www.lisse.com.hk

呼吸幸福空氣^O^ Hallmark Home Fragrance 蘆葦淡溢套裝

我是一個很喜歡香噴噴的人..香水..香薰..柔順劑..櫃桶紙..連廁紙..紙巾我都鍾意用有香味的..我手袋都長期放了一個帶爽身粉味的香包在內呢..

我的嗅覺亦很敏感..若遇到我不喜歡的香味..我的反應可不少..試過家姐用了我覺得太濃的香水..那段時間一家人出街我都會行距離她幾尺^^(我真的覺得很臭^O^)

香味這回事很主觀..我最愛可能她最憎..哈..行開點是我對她的尊重呀..哈哈哈..

我今年的桃花/櫻花/花花樽靚嗎??年宵買不到桃花扭扭氣球..就放這個裝飾下啦^^
(我自己覺得都不錯丫..自年初一裝飾好後..每天看見我都覺得心情好..又靚又香..真的很喜歡..好一個自我陶醉的女子..哈^^)
最衰蘆葦支沾了香薰油就不能再黏住浴室軟膠花瓣貼啦..否則我的桃花一定會更漂亮(我認為)
不過軟膠花瓣貼貼在香薰玻璃瓶都很漂亮丫..老公都說我今次有小小美感..哈哈~

 

Hallmark Home Fragrance 由世界頂尖香水專家 Mr Rolf Czyppull 主理..
以獨有既秘方調製香薰..為家居帶來不一樣既窩心觸感..(很同意啊!!)
太喜歡這套 Hallmark 香薰禮盒..簡約而帶點書卷味..送禮自用都非常適合..大方又得體~

。一般情況下

我這盒是新推出的香薰「Blossom千花樹下」蘆葦淡溢套裝  hkd 230/set,  hkd 150/300ml/bottle 甜蜜的橙花，融合森林氣息的天竺葵，襯托以含蓄的松樹幽香，春意盎然，洋溢生命的喜悅。漫舞於無垠叢林花間，佇足千花樹下，朵朵絢麗中盛放，讚歎天地萬物間相互交融之奇妙，頓覺豁然開朗。

一般情況下，香味可持續約 3-6 個月。

​

 

很喜歡這套 Hallmark 香薰禮盒..簡約而帶點書卷味..送禮自用都非常適合..大方又得體~
打開以精美藏書造型包裝..左邊有給我們寫上祝福說話的位置..設計貫徹其品牌賀卡元素..好細心呀!

 

  拿出銀色樽裝的香薰油..倒進手造的透明玻璃瓶..再放進 2 粗 4 幼的蘆葦支..香薰油就會漫漫滲到蘆葦支..不一會..香味隨隨便散出..
如你嫌散得太慢..你可以待 1-2 小時後..將蘆葦支倒轉..我自覺香氣會滲得較快..不消一會..整個房間都充滿著淡淡的幽香..

 

剩下的精美藏書包裝盒未免太 fit 貓妹妹的 size 了^o^
晚間有著令人放鬆的清新香氣伴著..入睡都較易..一覺醒來
能夠呼吸到充滿香味的空氣..好幸福啊!!

兩者比較即時覺得加少少心思真的可以很大分別..
貓妹妹話不同花花影..因她怕'花比貓貓嬌'..搶了她鏡喎..哈哈^O^

感覺是很個人的..我感覺到不代表你感覺到..有人曾經問我..何謂聞得到的幸福?
我真的不懂解釋..我只知..能夠呼吸到怡人香氣的空氣是幸福的..能讓麵包香氣弄醒是幸福的..
等如有些香氣是屬於個人..屬於回憶的..當人去樓空..想找回某些氣味並不易..
Hallmark 的香薰師都有著一份執著..認為「美好是需要珍惜的。」
氣味很玄妙, 不動聲色, 悄然把美好時光烙在心坎..
錯過了找不回..就只可靠回憶去回味了..

「世界著名品牌Hallmark推出香薰，追求的，不僅是為你帶來一室芳香..
喚醒呼吸的喜悅，才是Hallmark香薰系列的使命。」

​銷售點 : City'super、Log-on、LCX、Seibu 西武、Sogo、Design Gallery 設計廊
​
**產品和資料由品牌提供
每人喜好不同..感受有異不奇..
如對產品感興趣..可到以下網址作進一步瞭解 :
http://www.hallmarkfragrance.com/
https://www.facebook.com/hallmarkfragrance