肥貓俠..祝大家..除夕及新年快樂^^

大家係咪好掛住我肥貓仔呢..今日我化身肥貓俠..祝大家..除夕及新年快樂^^

除左面罩..即刻好似乖好多^^

層次感...

終於明白..點解d單鏡反光機要賣到咁鬼貴...
影出黎...真係層次分明好多...色又靚d..連人都sharp d呀..呵呵

我地一齊比較下....下面呢張就係用單鏡反光機影既...

下面呢張呢....就係用普通細既相機影既...

係咪覺得上面個張靚好多呢??
原本下面個張都已經唔差架啦點知上面個張仲靚喎.卡卡卡

壯漢送院不見急症室斷魂

長沙灣昨日發生男子「求醫無門」後死亡事件，一名年近六旬物流公司東主，與兒子乘坐公司貨車往交收貨物途中，疑突然心臟病發，司機迅速驅車趕抵明愛醫院外，但因不知何處為急症室入口，被逼停車。有報道指，明愛醫院 ...

看到這段新聞..實在有點心痛...香港..點解會有咁樣既事情發生?完全唔文明...

人係生..野係死架..做人真係可以變通架...人命黎架..唔關你事..>~<
而家仲要講話職員做法係合符指引黎交代..我真係唔該晒你...

人生入面有好多野都唔可以用一加一等如二既道理去處理架..究竟係你蠢?定係你天生鍾意卸膊...

你地真係好聽話呀...真係'我要打好呢份工'...做好份內事就夠架喇..其他乜野都唔關自己事架..
你唔好去死..人係有良知架...你係得醫院做就更加應該理解時間對人命既重要..
但..原來唔係囉..係冷血架...
可能個一刻真係無辦法即刻搵到醫生出黎幫人地...但你都無理由同人講..唔關你事卦?
(我希望呢句說話其實你無講過..只係報紙屈你..)
你究竟明唔明有事既人..需要人幫時候既心情?你可唔可以試下'將心比己'?
人地搵你幫..ok..你當緊值唔行得開..你可唔可以搵身邊既同事..
或者即刻call上急症室..睇下有無醫生可以落到黎呢??

可能你有做...報紙無講都唔奇..如果係既..咁你唔好彩囉..全香港大部人而家都會怪緊你...
真係祝福大家一世都唔會需要到人幫..一世都唔使求人...

香港人..真係係時候拎返個心出黎..事事從心出發..將心比己架喇..唔好乜野都只諗自己啦..好嗎?
唔好再信個d..少做少錯..唔做唔錯既道理喇好嘛?自己有d野係可以決定到架...
我寧願公司話我唔岩指引做事而炒我..總好過而家自己簡接累死左人..而一世都唔安樂呀..
如果因為咁而比公司炒..而家d傳媒咁犀利..都總有人可以幫你拎返個公道架..
做人要過得自己過得人..要夜晚安樂訓得著呀..

希望這位己過身的先生早日安息..更希望他的家人節哀順變吧...

Kuromi聖誕扭蛋機@hunghom mtr station

Kuromi聖誕扭蛋機@hunghom mtr station...(究竟應該寫mtr??定kcr呢?)

kuromi今次好威呀...叻過melondy..呵呵~~
 好靚好靚架..快d去睇啦...
我估除夕前..應該都仲有係到架...

 而家係'香港站..有另'一部細型d既Kuromi扭蛋機..同'紅磡站'差好遠呀...

倪震宣布與周慧敏申請結婚

早前被傳媒揭發在酒吧「偷食」的倪震今日突然發表聲明，宣布已跟周慧敏申請註冊結婚。

佢地兩個一齊左咁多年..分開..對大家都係懲罰...

希望錯過..真的會更懂珍惜吧...
能夠有一個這麼愛自己的人..真的是幾生修到的福份...
不好好把握..後悔一定莫及的...
希望你們一世幸福美滿^^

細佬廣告

前兩日終於係電視見到細佬個廣告..(周圍既人都話上星期已經係電視睇到..但我之前真係睇唔到喎?)
今次我無話比任何人知.細佬有廣告出...
但好犀利..有好幾個我完全無諗過會認得細佬既人都主動話我知認得係佢..
咁細佬千祈唔好做衰野喇..原來咁多人會認得佢架..呵呵

你地有無係電視睇到呀?

周慧敏倪震宣布分手

藝人周慧敏和倪震發表聲明，周慧敏原諒倪震，但會回復朋友關係，倪震就基於「問責」，決定「引疚分手」。

現實始終是現實...整件事..只可惜童話沒有了...

兩個人的事..外人真的不應多加意見...
只要找到合適的相處關係..大家都快樂就夠...

悶....香港樂壇....>~<

唔係話謝安琪唔好..不過..真係覺得佢未得囉...
祖兒..HOCC...係而家黎講..應該係香港最活躍..最top既女歌手..佢地有份入圍最佳女歌手..理所當然...
謝安琪..王宛芝都入4強喇...好似有d唔知點咁..但諗真d..又真係發覺..原來香港ok既女歌手..已經唔多..
呢個係商台既..咁攪創作既入到圍係好自然既一件事...無左楊千嬅都可以理解..
其實我都唔係話鍾意千嬅..但時勢造英雄...其他幾個台將會仲有千嬅係到都好合理..
因為真係無乜女歌手可以揀嘛??唉..好悲哀..

鄭融間公司究竟攪咩??咁好既機會..幫佢做多d野..我覺得佢係可以爬得更高架..
佢係細粒..但唱..佢ok丫..跳都唔難睇丫..樣..都ok好睇呀..點解唔肉緊d幫多佢少少..令佢得到更多先?

kary...樣係比較輸蝕左少少..但..其他都好ok姐...人紅就自然靚架啦..化妝一定幫到喎...
唔該佢地公司黎緊呢年做多d野啦....如果唔係..呢個所謂既香港樂壇會好悶架...
joey一個人做得好有鬼用咩??都無人同佢爭...>~<

新人我睇好鄧紫琪...佢個樣又幾可愛..又唱得又作得..應該好ok..
唔知點解佢講野就好似痴脷根咁..但唱歌又ok喎..
不過到睇佢d mv..見到佢個口型時..又發覺佢好似真係有d痴脷根....

男仔嘛..林峰啦..唱得唔錯丫...

以前梅艷芳..譚詠麟..張國榮年代既專業...
到四大天王..葉蒨文..林憶蓮..彭羚個時既精彩..
再之後鄭秀文..許志安..蘇永康時候既激烈氣氛...呢d場面已經好耐好耐無耐見過喇..
我諗..亦都無乜機會會再見到....唉....香港樂壇...可唔可以再好似之前咁呢???
而家..太似一池死水喇...男歌手都仲好d..女歌手...你地爭氣d啦..好無??
唱黎唱去都得一兩個....好悶呢....