二月你做過乜?

肥貓仔係過去既二月入面,原來都變過好幾個造型
扮乖仔祝新年..冷可愛咁訓係成堆'旺旺'中...
仲有雙手插袋..戴cap帽,手錶扮型仔
笑都笑死..係咪個個造型都好得先?

邊個出賣我?

最近因為其中一個老細係成日公司發脾氣,令到我覺得真係有d驚既感覺...
佢又拍台又拍'登'...又大力關鐵閘..又踢鐵閘..
可能係我細膽無用啦..我真係覺得佢成日咁樣..係影響到我架..
攪到我呢排返工都無乜心機..同埋真係成日都好想唔使返去對住佢地(定係懶的藉口呢?)...

正當我為左呢樣野而煩惱既時候..老細竟然今日走埋黎問我係咪覺得佢呢排經常性黑面同發脾氣喎???
er...我咪話...唔係..只不過我覺得佢好似成日都唔開心囉..(我都唔敢亂講野)
之後老細話..佢其實唔係對住我黑面..佢黑面唔係因為我..唔關我事..叫我唔使驚...(佢咁講其實我仲驚)
佢講完之後..我無出聲..之後既下晝都無再見到老細發脾氣既情況出現喇...

到放工佢車我同may出去時..may無義氣..佢去三幹落車..得返我同老細..我心諗..唉..大鑊..
快d快d..希望快d到西鐵站...快d落車就好喇...
點知係咁短程車入面..老細又再同我講佢黑面發脾氣都唔關我事的..唔係因為我而咁樣..佢叫我唔使驚..
臨落車時..佢仲特登好似好友善咁同我笑..之後仲同我講叫我記住佢發脾氣係唔關我事喎..
一落車我即刻諗..究竟邊個出賣我???邊個同老細講我驚左佢???
老細既解釋..反而令我更加打個'突'呀...

回顧...

唔制呀..你睇下人地日本幾進取..只係由零捌年開始咋...人地已經出左咁多唔同味既卡樂B喇..
點解我地香港咁咋架???乜都無???以上咁多包我只係試過'櫻花鹽味'咋..eee
好羨慕呀...齋睇已經好開心喇....(流口水ing)

時間過得真係快...話咁快已經係二月尾喇..零捌年已經過左六分之一...
二月其實都發生左好多事..不過因為之前好凍..所以都懶左好耐..乜都無寫到..
始終覺得點都要補打返少少記底..唔想第時唔記得..

見auntie個日其實我好驚..不過總算都過去了..
希望他們對我既印象唔太差罷(我已經盡量表現鎮定架喇)

'杏香園'既馬蹄沙,始終都係最好...一邊食一邊覺得自己好幸福..唔會食到令我有再食就嘔既感覺..
平時好多熱糖水,食到一半我已經唔可以再食落去..再食就會想嘔架喇..
但'杏香園'既馬蹄沙就完全無呢個問題喇...太good喇..食幾多次都唔厭呀..呵呵

直到呢一刻..我仍然係覺得'美高梅金殿'係又難記又'甩cut'架...不過又真係幾靚既..^^
我真係好鍾意浸係暖水入面..浸溫泉又好..浸浴缸都好..有得浸就已經覺得好幸福

套餐a既地方都拆左喇..係咪意味住..所有野都過去喇?

點解永遠都有人要好似龐如玉咁死咬住人唔放..係要迫到人地抖唔到氣先安樂?
見到人地崩潰..受唔住..佢地先肯停手.點解要係咁?點解死要咬住唔放?

好開心..黃家嵐終於肯接受言為信..陸堅以後都只會埋係心入面..
不過...做戲先有等十九年既愛..現實生活..打死我都唔會信有>~<

P.S.雖然我話過鍾意..不過下年我唔想再收太陽花喇...知道未呀?

勇表弟結婚

今日係勇表弟結婚之喜..祝佢地白頭到老,永結同心..快D生個女孫比三舅母玩下就好喇^^
今晚見到表弟真係覺得佢大個仔喇..
席間送個份小禮物我第一次收咋...所以覺得比平時特別..
係整到好似蛋糕咁既毛巾仔..(影左相再放上黎啦)
其實我仲好病..成晚都有D呆^^仍然係乜相都無心機影架

有一PART係表弟之前錄定同媽咪同老婆講既說話...
新娘聽完喊到收唔到聲...要表弟出黎攬住佢..幾分鐘後先講到野..
又真係幾感動既...在場既女仕部份都攪到眼濕濕...(當然包括我啦^^)
去婚宴其實最GOOD就係呢D位...SWEET嘛..你知平時大家都好少有呢D愛的表現架啦
連表弟婦都話從未聽過表弟講埋D咁既野..所以攪到佢感動收唔到聲^^

今晚見到幾個表哥都CARE住自己個仔..我覺得個畫面好得意..
京表哥同佢個仔一齊唱兒歌..真係發夢都諗唔到個畫面會係咁...感覺好溫馨呀..
原來人大左都唔係所有野都係唔好既..

傢俬協會春茗

今晚係傢協春茗..病到死既我原本都唔想去..但為怕比老細黑面..算..頂埋去.我仲想有運行
(人生就係不斷要做一d其實自己唔想做既野..so poor..>~<)

好驚喜..今晚我其中一個老細mr.wu竟然扮財神出現...果然係玩得之人呀....
我地見到佢極興奮..chris仲走埋去攬左mr.wu添...
唔知係咪真係關事呢?老細扮財神..我地今年成績就最豐收..
玩遊戲又贏...亞chris同志雄又抽到每人三千蚊..掂呀..黎緊有人請食buffet...yeah..
今晚嘉賓司儀同表演嘉賓都係姚嘉莉...有個後生d既靚女做拍擋...果然唔同d..
亞凌生做司儀都醒神d^^連各位老闆唱歌水準都高d..哈

由於我真係好病..影相既心機都無..所以一切都只係得個講字^^
唔知點解今年代表公司上台抽獎既會係mr.choi呢?唔通佢終於都醒覺到要爭返d野?
但而家先做..其實會唔會已經太遲??唉..

發脾氣,,,

原本諗住一次過打返之前懶打既blog..但..唔得喇..我今日好辛苦..頂唔順喇...
好想發脾氣呀........
我好唔舒服..周身骨痛...
琴晚又係咁漂冷汗..又要麻煩媽咪幫我整起張床'肉'吹下..如果唔係床板會發霉>~<
好煩..好辛苦呀我.好想發脾氣呀.........................................
d骨好痛...又咳..麻鬼煩...又怕老細黑面..所以唔敢走...妖妖妖>~<
我好想放工...原本約左mandy佢地食飯..而家都推左喇....eeeee

恭喜發財

恭喜發財,鼠年快樂...肥貓仔同中貓哥哥祝大家心想事成,甜蜜快樂,永遠都唔使為錢而煩惱^^

今日我好開心呀..你睇我一身既打扮係咪好醒神呢?
條頸巾係ying姐姐織比我架..我好鍾意..佢仲應承會織多條送比中貓哥哥添呀..hee
仲有另一件令我好開心既事..就係今年除左婆婆比利是我地之餘..連公公都比左呀...hee..
而且仲係我一封..中貓哥哥又有一封呀..哈..所以我真係好開心

由於呢排天氣凍既關係..連我肥貓仔都要添衣呀..你睇我件背心幾fit^^
係婆婆之前買落架..不過佢見得一件..所以佢遲遲都唔拎出黎比我地著...點知..哈哈..比我搵到喎

賣懶ing

俗語有話'賣懶賣懶賣到年三十晚'..hee^^咁我肥貓仔就緊係會入鄉隨俗啦..呵呵..

你睇我賣懶個姿勢係咪都型過人呢?坐得幾'pair'哈哈