簡單的幸福...

卡樂B..卡樂B^O^

個日見到..我好想3包都要..最後只揀左1包..另外既..下次先啦..
金..係咖哩味(唔知同本身個隻咖哩味卡樂B有咩分別呢?)
銀..芝士味...EE..應該係特濃芝士個D..唔岩我..我會臭到唔食架....
銅...個袋面好似係睇到燒汁味...不過我只係食到咸味囉 ..感覺唔到太特別既味..

我揀'銅'..因為我見到佢得返幾包咋..'銀'..勁芝士..我唔食既..'金'仲有好多..下次應該仲有卦?

我抽到呢個USB呀..我諗用黎收藏多架喇(講到收藏咁嚴重)..佢得1GB.作用唔大姐.
話晒我係卡樂B既FANS..哈哈..有樣野記念下都幾好丫..哈
不過唔知實物會唔會造得好醜樣..好粗糙呢?希望唔會啦..

當人人都覺得你好重要..乜都搵你時..你又覺得好大壓力..好煩..
當你認為人地一定將你放係前面時..原來發現唔係..又會有d唔開心..
女人.你真係好鬼煩

家庭週...

呢兩日好忙..所有節目都係for家庭..完全無做過自己野..

23/08/2008(六)爺爺生日...睇返d相先發現..原來好耐無同爺爺影過相喇..
最衰到齊晒人時..又唔記得影大合照啦...激氣...

24/08/2008(日)去左探'亨利'個'麻麻'..好犀利..'麻麻'有102歲喇..而且仲非常之精靈..
我地去老人院個時..岩岩係'麻麻'食晚飯既時間(其實個時只係下晝4點半...食晚飯..咁早既?)
'麻麻'好勁架..可能因為佢以前係老師既關係啦...佢記性好好架..記得晒佢地有無黎過探佢
唔講我真係唔會信佢有102歲...最多似八十幾..皮膚又好..講野又清楚...簡直係醒呀....
唔知下次'麻麻'仲記唔記得我呢?

祝爺爺..生日快樂^o^

祝爺爺生日快樂..身體健康^v^

原本我係打算整個蛋糕比爺爺架..但媽咪又係咁潑我冷水喎(激鬼氣)
so...決定整小食就算喇..登登登櫈...'杏仁脆片'..
第一次整..hee^^都算ok啦..不過真係一放涼之後就要'拿拿臨'入盒..
唔知點解佢好奇怪...放涼個零鐘就會淋架喇(平時d曲奇邊有咁快淋架?放兩個鐘先入盒都唔會有事)

希望爺爺鍾意啦....

原本我仲冷叻咁琴日試自己搓左西式酥皮..諗住自己一手一腳整'蝴蝶酥'架..
平時係用現成酥皮...整出黎就好似模似樣既..
琴晚自己搓好晒整好晒.焗完出黎...我又覺得感覺無現成酥皮咁好>~<
雖然弟弟同老豆都話唔錯..但..我覺得同我心目中既唔同囉..
而且會硬過現成酥皮一d..我驚爺爺咬唔到..所以..唔請佢食喇..>~<

有點難過...

收到phoenix既電郵...今朝報紙話個爸爸同埋個3歲既女燒炭自殺入面既小女孩..原來係佢既學生..
今朝睇到報紙..我都覺得..個爸爸好殘忍...點解要咁?小朋友無罪架嘛...
知道左係phoenix既學生..唔知點解個心更加唔舒服..可能係關於身邊人既事吧......好近..好近...
我唔係小女孩既老師..我未見過佢..我都覺得個心好似唔知點咁..更何況係phoenix?
我完全理解佢呢一刻唔知點既感受..一時好難接受... .

我都有d擔心phoenix...講真..老師自己都未必處理到自己既情緒..
但返到學校..可能要話比d小朋友知..要同d家長講...大佬...點講??
老師其實都只係一個廿幾歲既女生...
不過當身份係老師時..就要做到好似好專業..乜都要做到...>~<

今次..我都唔知可以講d乜野安慰phoenix..
太近喇..一個之前差唔多日日都見到既小女孩..前日放學既bye bye..
原來係真正既再見...聽到呢到..個心好'up'..
原來..世事真的難料...生命真係可以好脆弱..

希望小女孩係第二個世界可以快樂..更希望她的家人..可以快點振作吧..

我要食薯片^^

媽媽鍾意食薯片..佢有日本版喎...我肥貓仔緊係唔執輸啦

好味與勞氣...

琴晚去左食日本野..好味..有原隻新鮮活赤貝..去過好多地方無得食..所以更加好食.好爽好鮮味呀.
雪花三文魚腩..我覺得好好味..同平時d三文魚有d唔同架..爽d架..正
另外仲食左其他..不過佢地唔係咁上鏡..唔放相上黎喇..
成餐都好滿足...下次要再去試埋其他野先..好多野食架..(但我完全唔記得左個鋪頭名)

唔開心一..如果電費真係好貴既話...,可能我既整餅生活就要停一停喇...即刻有d唔開心
如果真係咁..唯有一係整少d..一係就等第時有自己屋企先整返囉 ..費事媽媽又多聲氣啦(我好怕煩)

唔開心二..明明係佢自己話唔幫大陸同事上貨既..我照講...你唔係身有屎..使乜咁大反應唧?
衰d講句..我都未加'特登'兩個字上去..你使乜驚死人地覺得你特登唧?(但我肯定你係特登囉.唔好扮野)
講左好多次架啦..香港女子唔大得架..你對我客客氣氣既..就算明知你錯我都可以就你..
但你聲大夾惡既話..sorry..我一定唔會理你..莫講話而家唔岩個個其實係你....

呢排公司d野真係攪到我忟忟地..不過算...唔好將d唔開心野帶放工..
睇返d開心野先..4款日本版卡樂B呀...YEAH...多謝'亨利'

久違了的..牛油曲奇(附食譜)

10/07/2008...唧花牛油曲奇...自從換左新焗爐之後..我都未試過焗曲奇
次次整完周圍都有好勁牛油味..好得人驚的其實本身我唔係咁鍾意牛油味架咋
但自己唔太鍾意姐..身邊既人鍾意食嘛..而且..整甜品既人係應該乜都會整的...
之前我多數都用整曲奇餅機去整形..今次諗住自己唧..
但又無乜頭緒唧乜好喎...um....一於唧字啦...

唔知你地睇唔睇得出得唧左咩字出黎呢?(貼士 : 同我英文名有關.應該睇得出卦?唔係唧得咁差卦?)
第一次用呢個爐整..要估下個爐d度數fit唔fit個食譜...
估唔到呢個二百幾蚊換返黎既焗爐都唔係弱喎..
食譜話用180-200度...我個爐用160-180度就夠喇...
乜都唔留心..就咁跟食譜既話...咪就係會攪到好似底個d咁...深色d囉(強調..無燶到架..味道ok架)
下次一定唔會再咁樣既..哼

牛油曲奇

材料 :

室溫牛油 200g
糖 80g
雞蛋 1 pce
雲呢拿香油 少許
麵粉 300g

做法 :

(1)牛油加糖打至發白
(2)雞蛋打散加香油拌勻加入(1)
(3)麵粉篩三次後加入(2)
(4)放(3)入唧袋中唧出各款形狀
(5)放入已預熱之焗爐180-200度焗15mins
(6)取出放在網架上放涼