之前係元朗已想幫襯，無奈太多人，難得去開屯門買蒸煮攪拌機整「肥樂b」既糊仔，閒日人人返緊工，終於唔使排好耐隊喇。
原本想買期間限定的「士多啤梨味」，不過當日無呀，就試試另一款期間限定「芒果流心芝士蛋糕」啦。
店員細心問我大約多久回到家，幫我安排好足夠乾冰（細心抵讚）
適逢老豆生日，不過他其實唔太好芝士（我自己想試就迫人地當生日蛋糕（≧∇≦））
開動時發覺面層芒果啫哩部份有點乾了
不過切開後，那濕潤效果就爆出來了，中層是流心芝士，底層應該就是朱古力味半熟蛋糕。可能芝士味較濃關係，我完全吃不出底層蛋糕是什麼味，只感到軟綿綿，中層的流心芝士香滑味濃，喜歡芝士的弟弟很喜歡，而不好芝士的爸媽就嫌流心芝士太多，真正蛋糕件部份太少了，而面層芒果啫哩選用芒果亦算香甜，若不是邊部較乾的話，效果會更好。
下次要試試最原始蜂蜜味半熟蛋糕先，今次的芒果流心芝士味，芒果流心芝士部份完全搶了半熟蛋糕鏡，完全感受不到半熟蛋糕部份令人排大隊的威力呀。
